Узнагароджана граматай Міністэрства адукацыі Рэспублікі Беларусь
На ўрачыстым мерапрыемстве, прысвечаным апошняму званку, якое прайшло ў школе-інтэрнаце, адбылося ўзнагароджванне граматай Міністэрства адукацыі Рэспублікі Беларусь за шматгадовую, плённую працу, дасягнутыя поспехі ў навучанні і выхаванні падрастаючага пакалення выхавацеля, старшыні пярвічнай арганізацыі прафсаюзнага камітэта ўстановы Макаравай Таццяны Пятроўны.
Таццяна Пятроўна працуе ў Сенненскай школе-інтэрнаце 26 гадоў. Шмат выхаванцаў падрыхтавала яна да самастойнага жыцця за гэтыя гады. З душой і матчыным клопатам ставіцца Таццяна Пятроўна да дзяцей. Для кожнага ў яе хапае добрага слова і сардэчнай цеплыні. Свой педагагічны вопыт і майстэрства Таццяна Пятроўна штогод удасканальвае - гэта дапамагае ёй ствараць творчую атмасферу ў выхаваўчай групе і дасягаць поспехаў і перамог.
Педагагічны калектыў Сенненскай школы-інтэрната далучаецца да віншаванняў Макаравай Таццяны Пятроўны. Мы жадаем Вам моцнага здароўя, далейшага паспяховага развіцця вашых педагагічных здольнасцяў на карысць адукацыі і выхавання вучняў!
