Развітанне з сябрамі
Традыцыйна, падчас летніх канікул, у школу-інтэрнат прыехалі нашы сябры, валанцёры арганізацыі "Рука ў руцэ".
Удзельнікі арганізацыі амаль увесь час праводзілі з выхаванцамі. Спартыўныя мерапрыемствы, духоўна-маральныя ўрокі, гурткі рукадзелля, тэатральныя выступленні, урокі музычнай культуры і англійскай мовы, падарункі для дзяцей - гэта ўсё ўваходзіла ў праграму знаходжання валанцёраў у школе-інтэрнаце.
17 чэрвеня адбыўся невялікі развітальны канцэрт. Выхаванцы з удзячнасцю падрыхтавалі танцавальныя і песенныя нумары. Было сказана шмат шчырых і цёплых слоў у адрас валанцёраў.
Мы гаворым сябрам з арганізацыі "Рука ў руцэ" вялікі дзякуй за тое, што яны дзеляцца з дзецьмі цеплынёй сваёй душы, і спадзяемся на новую сустрэчу ў наступным годзе !!!
