Выпускны экспрэс 2021
Свята для выпускнікоў "Выпускны экспрэс 2021" прайшло ў школе-інтэрнаце 10 чэрвеня. Гэта было і радаснае, і сумнае свята. Яно пачалося з уступнага слова Кісялёва Яўгена Іванавіча і ўручэння атэстатаў аб сярэдняй адукацыі.
З заканчэннем школы рабят прыйшлі павіншаваць госці:
- галоўны спецыяліст сектара аховы дзяцінства Аддзела па адукацыі Сенненскага райвыканкама Рубанава Святлана Мікалаеўна, выканаўчы дырэктар мясцовага дабрачыннага фонда духоўнага адраджэння "Жыццё" Годзіна Іна Уладзіміраўна, настаяцель храма Свяціцеля Мікалая Цудатворца Айцец Мікалай, вядучы спецыяліст НІА Журба Аляксандр Фёдаравіч, група валанцёраў арганізацыі "Рука ў руцэ" і прадстаўнікі дабрачыннага фонда "Добрае сэрца".
Яны павіншавалі выпускнікоў і ўручылі ім памятныя падарункі. Усе выступаючыя сказалі шмат цёплых слоў і пажаданняў. Раілі верыць у сябе, ісці па жыцці з горда паднятай галавой, і ніколі не забываць сваіх настаўнікаў і выхавальнікаў. Выпускнікі ў сваю чаргу дзякавалі гасцей кветкамі.
Адміністрацыя і настаўнікі школы-інтэрната таксама віншавалі сваіх вучняў з заканчэннем школы. І ў адрас педагагічнага калектыву ад выпускнікоў прагучала шмат цёплых слоў і пажаданняў далейшага творчага шляху на педагагічным ніве.
Малодшыя школьнікі падрыхтавалі для старэйшых таварышаў разнастайныя музычныя віншаванні.
У добры шлях, выпускнікі! Сёння вы робіце першы крок у дарослае жыццё. Хай ажыццявяцца ўсе вашыя мары, удачы вам!
