Міжнародны дзень роднай мовы
З 15 па 20 лютага ў рамках святкавання Міжнароднага дня роднай мовы ў нашай школе быў праведзены “Тыдзень беларускай мовы і літаратуры”. Асноўная мэта тыдня:
-папулярызацыя беларускай мовы і літаратуры;
-садзейнічанне выхаванню культуры маўлення, павагі да нацыянальнай мовы і культуры беларускага народа;
-стварэнне ўмоў для развіцця пазнавальнай актыўнасці, творчых здольнасцей і маральных якасцей вучняў;
-спрыянне выхаванню цікавасці да гісторыі роднага краю, да лёсу свайго народа, сваёй Радзімы.
На працягу ўсяго тыдня навучэнцы 5-11 класаў актыўна ўдзельнічалі ва ўсіх мерапрыемствах, якія былі запланаваны да тыдня. Самыя маленькія і старэйшыя навучэнцы школы пашырылі свае веды, пазналі штосьці новае для сябе і раскрылі свае здольнасці.
У рамках прадметнага тыдня ў школе прайшло шмат разнастайных і цікавых мерапрыемстваў:
-акцыя “Размаўляй са мной па-беларуску”;
- віктарына “Аматары роднага слова” (для вучняў 5-8 класаў);
- конкурс сачыненняў “Родная мова ў маім жыцці”
-конкурс малюнкаў“Роднаму слову прысвячаецца”;
-конкурс чытальнікаў вершаў ”Жывая спадчына”
Распачаўся тыдзень конкурсам малюнкаў “Роднаму слову прысвячаецца”, у якім юныя мастакі 5,6 класаў выказалі сваю любоў да родных мясцін. У конкурсе сачыненняў “Родная мова ў маім жыцці” прынялі ўдзел усе жадаючыя навучэнцы школы. Яны выказалі свае думкі наконт таго, якую ролю адыгрывае мова ў іх жыцці і ў жыцці народа.З задавальненнем прынялі ўдзел навучэнцы 8.9 класаў у конкурснай праграме “Квітней родная мова” і конкурсе чытальнікаў вершаў “Жывая спадчыны”.
Класныя кіраўнікі 5-9 класаў правялі класныя гадзіны, на якіх адбылося знаёмства вучняў з выданнямі на беларускай мове, з творчасцю беларускіх майстроў слова. У 8 класе прайшло выхаваўчае мерапрыемства пад назвай “ Мова продкаў нашых і нашчадкаў”. У старэйшых класах выхавальнікі правялі класныя гадзіны пад дэвізам: “Жыве ў вяках беларускае слова”.
Тыдзень прайшоў вельмі хутка і паказаў, што навучэнцы цікавяцца беларускай мовай , літаратурай, спадчынай. Я спадзяюся, што матэрыял, які быў выкарыстаны падчас правядзення Міжнароднага дня роднай мовы, дапаможа дзецям не толькі вывучаць беларускую мову, вучыцца прыгожа гаварыць, паводзіць сябе, але і спасцігаць светапогляд і душу свайго народа, яго таленавітасць і майстэрства.
