Працоўнае навучанне ў школе
"Працай слаўны чалавек", - так кажуць пра тых, хто любіць працаваць. Яшчэ ў школе трэба вучыцца любіць працу. Нашы вучні з задавальненнем наведваюць практычныя заняткі па сталярнай і швейнай вытворчасці.
У сталярнай майстэрні хлопцы вырабляюць нескладаныя, але патрэбныя ў побыце прадметы: табурэткі, лаўкі, кармушкі для птушак. А яшчэ вучні пастаянна ўдзельнічаюць у працэсе стварэння новых формаў вырабаў з драўніны. У швейнай майстэрні таксама шмат працы. Прафесію швачкі дзяўчынкі асвойваюць і ўдасканальваюць, вырабляючы карысную прадукцыю. Пасцельная бялізна, ручнікі, сурвэткі і пакрывала - асноўны асартымент. Акрамя таго вучаніцы з майстрамі вытворчага навучання падбіраюць і распрацоўваюць ўзоры новых мадэляў сувенірнай прадукцыі.
Бібліятэкар Лебедзева В.А.
