Умеем адпачываць і працаваць
Умеем адпачываць і працаваць
У час зімовых канікул кіпіць праца ў школьных майстэрнях. Вучні 9-11 класаў працягваюць удасканальваць у школьных майстэрнях асновы прафесій швачкі і столяра.
Дзяўчынкі ў швейнай майстэрні шыюць пакрывалы для патрэб школы, пасцельную бялізну, абрусы, сурвэткі для сталовай. Дарэчы, тканіну для пакрывалаў у школьныя пакоі закупіла унітарнае прадпрыемства “Віцебскаблгаз” пад час правядзення дабрачыннай акцыі “Нашы дзеці”.
А перад Новым годам дзяўчынкі пад кіраўніцтвам майстроў вытворчага навучання выраблялі розныя сувеніры: дэкаратыўныя ёлкі, лялькі-абярэгі, прыхваткі.
Усе госці школы атрымалі на памяць падарункі, зробленыя рукамі выхаванцаў.
Цікава і карысна праводзяць час хлопчыкі ў сталярні. Разам з майстрам Кісляковым А.А. яны вырабляюць лаўкі, табурэты. Знаёмяцца з прыёмамі працы на лазерна-гравіравальным станку. Менавіта на гэтым абсталяванні было зроблена шмат сувенірнай прадукцыі да навагодніх святаў. Ёлкі і сняжынкі выкарыстоўвалі ва ўпрыгожванні тэрыторыі школы.
Вучням і настаўнікам прыемна бачыць, што вынік іх працы прыносіць радасць і карысць.
Бібліятэкар Лебедзева В.А
Фота здымкі падрыхтавала: Мастыка В.В.
