Свята ў школе
Свята ў школе
Напярэдадні новага года рэспубліканская дабрачынная акцыя "Нашы дзеці" сабрала гасцей у Сенненскай школе-інтэрнаце. Ужо 17 снежня школа адкрыла дзверы для першых гасцей. Гэта былі старшыня Віцебскай абласной арганізацыі РГА «Белая Русь» Цярэнцьеў Уладзімір Уладзіміравіч і прадстаўнікі УП "Вцебскаблгаз”. А 29 снежня ў школу завiталi прадстаўнікі Камітэта дзяржаўнага кантролю Віцебскай вобласці, прафсаюзнай арганізацыі, ДВА "Белэнерга", мясцовай улады, царквы і валанцёры.
Кажуць, пад Новы год цуды здзяйсняюцца. Вось і нашы госці выступілі ў ролі добрых чараўнікоў. Яны ўручылі дзецям сертыфікаты, падарункі і прысмакі. А выхаванцы школы вiталi iх вясёлымі песнямі, танцамі і флэшмобам. Усім удзельнікам дабрачыннай акцыі ўручылі сувеніры, зробленыя дзецьмі ў арт-майстэрнях. У цеплай i шчырай атмасферы прайшла сустрэча з людзьмі, неабыякавымі да дзіцячага лёсу.
Мы шчыра ўдзячны ўсім гасцям за ўвагу і дапамогу!
