Школа развіталася са сваімі выпускнікамі
29 жніўня ў школе-інтэрнаце адбылася сяброўская сустрэча «Бывай школа!». Сустрэча пачалася віншавальнай праграмай «Ад усяго сэрца!». Кожная выхаваўчая група падрыхтавала музычны нумар і шчырыя развітальныя словы-пажаданні для выпускнікоў.
Далей выхаванцаў чакаў салодкі стол «Смачны пачастунак» з пірагамі, пірожнымі, сокам і цукеркамі. Было салодка, але крыху сумна, што са школы выходзяць такія добрыя хлопцы.
Шумная і вясёлая дыскатэка «Развітанне са школай» паставіла музычную кропку ў суботнім мерапрыемстве. А ў нядзелю былыя выпускнікі раз'ехаліся па сваім навучальным установам у Віцебск і Мінск.
Бывайце, хлопчыкі! Хай вам шчасціць у самастойным жыцці, а лёс не абміне сваёй спагадай!
