Мерапрыемствы, прысвечаныя Дню абаронцаў Айчыны
22 лютага ў школе-інтэрнаце адбыўся флэш-моб, прысвечаны Дню абаронцаў Айчыны і Узброеных Сіл Рэспублікі Беларусь. У спартыўнай зале на стылізаваным конкурсным полі сыйшліся 6 рознаўзроставых груп.
Журы і гледачы з задавальненнем і цікаўнасцю назіралі за выступленнем навучэнцаў. За кароткі прамежак часу выступаючыя павінны былі паказаць сваю здольнасць: выступаць адзіным калектывам, перастройвацца ў лад з музыкай, прадэманстраваць зладжаныя гімнастычныя навыкі. Выступленне павінна было быць мэтанакіраваным, мець арыгінальную ідэю і стыль выканання. Цудоўнае спартыўна-танцавальнае відовішча мела свае вынікі. Выступленне выхаванцаў паказала, што ўсе групы былі добра падрыхтаваны і выступілі станоўча.
Пасля флэш-мобу мерапрыемства працягвалася ў святочна ўбранай актавай зале. Намеснік дырэктара па вучэбнай рабоце Мурашкевіч Алена Уладзіміраўна павіншавала ўсіх мужчын і хлопчыкаў школы з надыходзячым святам, пажадала здароўя, дабрабыту, поспехаў у вучобе і працы.
Выхаванцы розных груп, пад кіраўніцтвам выхавацелей, падрыхтавалі святочна-віншавальную праграму. Удзельнікі спявалі, чыталі вершы і танчылі ўслаўляючы абаронцаў Айчыны. Разам з добрым, святочным настроем мужчыны і хлопчыкі атрымалі салодкія падарункі.
