Школа актыўнага грамадзяніна
23 студзеня ў рамках інфармацыйна-адукацыйнага праекта “ Школа актыўнага грамадзяніна” для вучняў 8-11 класаў нашай школы прайшоў адзіны дзень інфармавання на тэму “Ганаруся сваімі землякамі”.
У правядзенні мерапрыемства прыняў удзел начальнік аддзела ідэалагічнай работы, культуры і па справах моладзі Мяцеліца Сяргей Сцяпанавіч. У ходзе правядзення мерапрыемства навучэнцы даведаліся пра самых выдатных людзей Сенненшчыны, якія ўнеслі значны уклад у развіццё спорту, праславілі свой родны край у розных сферах жыцця. Больш падрабязна пра некаторых з іх прысутныя даведаліся падчас знаёмства з прэзентацыяй “Знакамітыя землякі”, падрыхтаванай настаўнікам гісторыі Мартусевіч А.В.
Мерапрыемства было карысным і пазнавальным для старшакласнікаў.
