Крочым па жыцці разам з ПрыватЛізінгам
Супрацоўніцтва, а дакладней кажучы сяброўства з кампаніяй “ПрыватЛізінг” пачалося тры гады таму. Летам 2017 года ТАА “ПрыватЛізінг” у якасці дабрачыннай дапамогі фінансавала будаўніча-рамонтныя работы ў спальным корпусе школы-інтэрната. Пра такі рамонт школа магла толькі марыць. У выніку, да навучальнага года ў школе-інтэрнаце быў адрамантаваны дах і заменена больш за 60% вакон спальнага корпуса.
Дзякуючы спонсарскай дапамозе таварыства “ПрыватЛізінг”, з 2017/2018 навучальнага года пачалі дзейнічаць два адукацыйныя праекты. Дзякуючы ім, навучэнцы вучацца маляванню і вывучаюць англійскую мову. З другой паловы 2018/2019 навучальнага года дзеці пачалі займацца шахматамі. Выхаванцы ўдзельнічаюць у розных конкурсах і выставах. І няхай не стануць яны знакамітымі мастакамі, вядомымі шахматыстамі ці перакладчыкамі, але на працягу некалькіх гадоў яны могуць развіваць свае здольнасці і займацца ўлюблёнай, цікавай справай. Зараз юныя мастакі пад кіраўніцтвам педагога Ірыны Кучко завяршаюць першы вялікі праект па размалёўцы сцен гаспадарчых пабудоў. Атрымліваецца ўсё цудоўна!
Падрыхтавацца да новага навучальнага года таварыства “ПрыватЛізінг”, дапамагала школе-інтэрнату на працягу трох гадоў. У 2018 годзе было адрамантавана 5 пакояў у дзявочым крыле спальнага корпуса. Летам 2019 года быў зроблен рамонт фасаду галоўнага ўвахода і замена старых вакон на шкло-пакеты ў вучэбным корпусе будынка школы-інтэрната. Усе будаўніча-рамонтныя работы трэці год якасна і ў срок праводзіць Мінскае прадпрыемства “СП-ИзумрудСтройИнвест».
Летам 2018 года супрацоўнікі таварыства “ПрыватЛізінг” зладзілі для дзяцей сапраўднае кулінарнае свята з смажанай на вогнішчы птушкай і шашлыкамі, смачнай садавінай, фруктамі і салодкасцямі. Складана сабе гэта ўявіць, але нашы дзеці ўпершыню каштавалі шашлыкі і смажанае на вогнішчы мяса. Яны пыталіся ў выхавацелей, – а што гэта за страва? Ну, вядома, такую страву дзеці каштуюць упершыню выязджая з бацькамі на прыроду ці да дзядулі…
У студзені 2019 года ў Сенненскай школе-інтэрнаце адбылося “Шахматнае свята”. Ініцыятарамі і арганізатарамі свята сталі Анастасія Сарокіна, старшыня ТА “Баларуская федэрацыя шахмат” і Вольга Радзецкая, менеджар карпаратыўных і сацыяльных праектаў ТАА “ПрыватЛізінг”. І як вынік – у школе працуе факультатыў па шахматах.
Пад асабістую апеку кампанія ўзяла выпускнікоў школы-інтэрната. Вось ужо другі год выпускнікі школы атрымліваюць пэўную суму грошаў на банкаўскую картку. Паспяховыя вучні, якія мэтаваны на атрыманне адукацыі, атрымліваюць стыпендыю ад кампаніі “ПрыватЛізінг”.
Супрацоўнікі ПрыватЛізінга ўзялі пад сваю апеку і адзін з аб’ектаў школы-інтэрната – школьную бібліятэку. Штогод супрацоўнікі кампаніі перадаюць у падарунак добрыя дзіцячыя кнігі. Падчас акцыі “Нашы дзеці” бібліятэка атрымала ў падарунак поўнае кніжнае выданне Джуліян Ролінг “Гары Потэр”, а таксама збор твораў Святланы Алексіевіч “Галасы ўтопіі” і асобнае лімітаванае выданне з асабістым, факсімільным подпісам аўтара. Як прыватная асоба, Вольга Радзецкая, падчас акцыі “Нашы дзеці” у 2019 годзе, падарыла бібліятэцы камп’ютар. У 2018/2019 навучальным годзе бібліятэка была абсталявана новымі стэлажамі.
Як добра, што ў нашай школы-інтэрната з’явіліся такія сябры, такая беларуская кампанія, дзе людзі неабыякава ставацца да дзяцей-сірот, бачаць праблемы інтэрнатнай установы і дапамагаюць іх вырашаць.
Калектыў Сенненскай школы-інтэрната выказвае шчырыя словы ўдзячнасці кіраўніцству ТАА “ПрыватЛізінг”, асабіста дырэктару Андрэю Станіслававічу Харлановічу, намесніку дырэктара Сяргею Міхайлавічу Дабралёту, менеджару карпаратыўных і сацыяльных праектаў Вользе Альбертаўне Радзецкай за дапамогу ўстанове, падтрымку вучняў і добрае чуллівае сэрца!
Мы жадаем работнікам кампаніі здароўя, шчасця
і сямейнага дабрабыту!
24.10.2019г.
Матэрыял падрыхтавала загадчыца школьнай бібліятэкі К.У.Кручок
