Семінар галоўных спецыялістаў аддзелаў па адукацыі выканкамаў, якія курыруюць пытанні аховы дзяцінства
У першай частцы семінара, якая праходзіла ў СШ № 1 г. Сянно, прадстаўлена сістэма работы аддзела, устаноў адукацыі Сенненскага раёна па раннім выяўленні сямейнага недабрабыту, ўліку дзяцей, прызнаных знаходзячыміся ў сацыяльна небяспечным становішчы, прафілактыцы правапарушэнняў аказанні прафесійнай сацыяльна-педагагічнай дапамогі і псіхалагічнай падтрымкі дзіцяці і яго сям'і, суправаджэнню замяшчаючых сем'яў. Свой вопыт працы з прыёмнымі дзецьмі (па працоўнаму выхаванню, падрыхтоўцы да самастойнага жыцця, арганізацыі сумеснага вольнага часу, вядзення "Кнігі жыцця") прадставілі прыёмныя бацькі. Увазе ўдзельнікаў семінара прапанаваны агляд метадычных рэсурсаў педагогаў раёна ў сферы абароны дзяцінства.
Другая частка семінара прайшла ў Сенненскай школе-інтэрнаце. Удзельнікі семінара пазнаёміліся з умовамі жыцця і навучання выхаванцаў, з формамі занятасці, прафесійнай падрыхтоўкай навучэнцаў школы-інтэрната. Адміністрацыяй Сенненскай школы-інтэрната прадстаўлены вопыт работы педагагічнага калектыву па адаптацыі і сацыялізацыі выхаванцаў, падрыхтоўцы іх да сямейнага жыцця, стварэнню практыка-арыентаванага адукацыйнага асяроддзя, арганізацыю вытворчай дзейнасці і практычнаму зразуменню фінансавай граматнасці.
Удзельнікі семінара наведалі школьныя майстэрні, кабінет дадатковай адукацыі, этнаграфічны пакой “Беларуская хатка”,пакоі спальнага корпуса. Асабліва зацікавіла гасцей выстава, дзе была прадстаўлена прадукцыя школьных майстэрняў, сельска-гаспадарчая прадукцыя. І усё гэта можна было не толькі пабачыць, але і набыць. Скончыўся семінар яркім, запальным і запамінальным выступленнем выхаванцаў Сенненскай школы-інтэрната.
Матэрыял падрыхтаваны па матэрыялах сайта аддзела па адукацыі.
