Спартыўныя спаборніцтвы падчас Тыдня прававых ведаў
Падчас Тыдня прававых ведаў, які праходзіў у Сенненскай школе-інтэрнаце з 9 па 14 верасня школу наведалі прадстаўнікі РАУС, МЧС, аддзела следчага камітэта Сенненскага раёна і Дэпартамента аховы. Сустрэча пачалася ў актавай зале. Перад сабраўшыміся навучэнцамі выступілі: першы намеснік начальніка Сенненскага РАУС, начальнік крымінальнай міліцыі Беразнеў Д.Г., начальнік Сенненскага раённага аддзела следчага камітэта РБ Мізаўцоў А. В., начальнік аддзела маёр унутранай службы РАЧС Нядвецкі П.А., начальнік Сенненскага аддзела Дэпартамента аховы Сенненскага РАУС Дешкевіч А.В.
Потым адбыўся невялікі кнцэрт-дэфіле падрыхтаваны выхаванцамі школы-інтэрната, пасля якога ўсе дружна, дзеці і госці, адправіліся на школьны стадыён, дзе адбыліся матчавыя сустрэчы па міні-футолу паміж камандамі навучэнцаўшколы-інтэрната і РАУС, зборнай камандай следчага камітэта, МЧС, Дэпартамента аховы і паміж дзвумя камандамі праваахоўных устаноў.
На спартыўным полі разгарнулася сапраўдная барадзьба. Балельшчыкі выйшлі з лозунгамі, скандзіравалі падрыхтаваныя лозунгі ў падтрымку каманд. У выніку, пасля трох паядынкаў паміж камандамі, пераможцам стала каманда следчага камітэта. Другое месца заняла каманда Сенненскай школы-інтэрната. Трэцяе месца дасталася аб’яднанай камандзе РАУС, РАЧС, Дэпартамента аховы.
Пераможцам уручылі кубак, а выхаванцы школы-інтэрната атрымалі цукеркі ад РАУС і дырэктара школы.
Такія нефармальныя сустрэчы паміж вучнямі і прадстаўнікамі праваахоўных устаноў дапамагаюць палепшыць міжасабовыя стасункі паміж дарослымі і падлеткамі, выхоўваюць і ўзбагачаюць свет дзяцей.
Матэрыял падрыхтавала загадчыца школьнай бібліятэкі К.У.Кручок
